"પ્રશ્ન(થી ઉદ્ભવતા) વિચાર" શૃંખલામાટે રાજેશ સેટ્ટીએ કેટલાક અગ્રણી વિચારકોને 'પ્રશ્નવિચાર' મોકલવા જણાવ્યું. તેમણે આ વિચારકોને પ્રશ્ન કર્યો હતો કે - તમારી યુવાનીના સમયે કયો એક સવાલ કોઇએ તમને કરવો જોઇતો હતો?
આ સવાલના જવાબમાં જે સવાલ પૂછાયો તે છે "પ્રશ્ન(થી ઉદ્ભવતા)વિચાર \ Question that provokes thought!
પ્રશ્નો જેટલા મહત્ત્વના છે, (કમ સે કમ) તેટલા જ મહત્ત્વના વિચાર છે. એટલે પ્રશ્નોથી ઉદ્ભવતા વિચાર અનેકગણા મહત્ત્વના બની રહે છે.
આ શૃંખલાની બીજી કડી અહીં પ્રસ્તુત છે.
/\/\/\
# ૬ - માર્ક ગૌલસ્ટન 
‘ડૉ. માર્ક ગૌલસ્ટન ભાવાત્મક પ્રજ્ઞાના વિષયના નિષ્ણાત છે. "પોતાનો અવરોધ પોતે જ" બની ગયેલાં લોકોને રસ્તો દેખાડવો એ તેમની વિશિષ્ટતા છે. તેમની સાથે પરિચય થયા બાદ મને સમજાયું કે ઘણી બાબતોમાં મેં પણ ગુમાવ્યું છે. માર્ક ગૌલસ્ટન દ્વારા ચીંધેલા માર્ગ પર મેં પણ જવાનું શરૂ તો કર્યું છે, પણ એમણે સિધ્ધ કરેલ ઊંચાઈઓ સુધી પહોંચવામાં ખાસ્સો એવો સમય લાગશે તે તો સુવિદિત જ છે. માર્ક ગૌલસ્ટન અને તેમનાં કામ સાથે પરિચય થવો એ જ મોટું સદ્ભાગ્ય છે.’ આશાવાદી ચેતવણી : માર્ક ગૌલસ્ટનના પ્રશ્નવિચાર પર વિચાર કરતાં કરતાં ચોખ્ખાં મૂલ્ય / નેટ વર્થ વિષેની આપણી સમજ બદલી જઇ શકે છે.
પ્રશ્નવિચાર:વીજાણુ કડીઓ :
દુનિયા પાસેથી આપણે જો સંપત્તિ લેતાં હોઇએ અને બદલામાં મૂલ્ય પરત કરતાં હોઇએ તો આપણું ચોખ્ખું મૂલ્ય કેટલું?
માર્ક ગ્લૌસ્ટનનું ગૃહ પૃષ્ઠ : Mark’s Home Page
માર્ક ગ્લૌસ્ટનનો બ્લૉગ : Usable Insights
માર્ક ગ્લૌસ્ટનનું પુસ્તક # ૧ : How to get out of your own way at work(2006)
માર્ક ગ્લૌસ્ટનનું પુસ્તક # ૨ : How to get out of your own way (1996)
# ૭ - હૈદી રોઇઝન
‘વેન્ચર કેપી
ટલ સમુદાય અને તેની સાથે સંકળાયેલ કોઈને પણ હૈદી રોઈઝનની ઓળખાણ આપવી પડે તેમ નથી. મૉબીયસ વેન્ચર કેપીટલનાં મેનેજિંગ ડીરેક્ટર્સમાંનાં એક છે. બીજી કેટલીય કંપનીઓનાં નિયામક મંડળો પર કાર્યરત હોવાની સાથે સાથે તેઓ નેશનલ વેન્ચર કેપીટલ એસોશીએશન સાથે પણ સક્રિય પણે સંકળાયેલ છે. સ્ટેન્ફૉર્ડ યુનિવર્સિટીમાં ઉદ્યોગસાહસિકતા વિષે તેઓ ખાસ વ્યક્તવ્યો પણ આપે છે.’ આશાવાદી ચેતવણી : પોતે જે કામ કરી છીએ તેને માટે ચાહત ન હોય એવી વ્યક્તિઓમાંનાં તમે પણ એક હો, તો આ પ્રશ્નવિચાર પર જરૂરથી વિચાર કરશો..
પ્રશ્નવિચાર:વીજાણુ કડીઓ :
તમારી રોજિંદી પ્રવૃત્તિઓ તમને ગમે છે? તમારો જવાબ નકારમાં હોય, તો તેમ થવા પાછળનાં કારણો ખોળી શકશો? પરિસ્થિતિને બદલવા તમે શું કરશો?
૧. Mobius VC
૨. About Heidi Roizen
# ૮ - સ્ટીવ શૅપિરૉ
‘મારે સ્ટીવ શૅપિરૉને મળવાનું થોડાં વર્ષો પહેલાં થયું હતું. તેમને મળવાના દરેક પ્રસંગને મેં માણ્યો છે. તેમનું છેલ્લું પુસ્તક “Goal Free Living: How to Have the Life You Want Now” એમૅઝોન પર ‘બીઝનેસ મોટીવેશન’ શ્રેણીમાં અને બાર્ન્સ એન્ડ નોબલ્સ પર 'સેલ્ફ-ઈમ્પ્રુવમેન્ટ' શ્રેણીમાં સહુથી વધારે વેચાણ કરતું રહ્યું છે.’ પ્રશ્નવિચાર:સ્ટીવ શૅપિરૉની નોંધ : થીમ એ નવાંવર્ષના પરંપરાગત સંકલ્પ કે ધ્યેય કરતાં સાવ જ અલગ છે. આ વર્ષે દર મહિને પાંચના હિસાબે પૉસ્ટનું બ્લૉગ પર પ્રકાશન કરીશ જેવા સંકલ્પની આ વાત નથી, પણ બ્લૉગીંગ કે લેખન કે કુટુંબ સાથે રહેવાની મજા કે કુટુંબ સાથે ગાળવાનું વેકેશન જેવાં વિષયવસ્તુની અહીં વાત છે. એવું વિષયવસ્તુ જે વિચારતાંની સાથે જ દિલ બાગ બાગ થઇ જાય છે, મનમાં ઉત્તેજનાની સરવાણીઓ ફૂટી નીકળે છે, બધી જ થકાન કે નિરાશાઓ એક તરફ થઇ જાય છે.
આ વર્ષમાટે તમારૂં 'થીમ' શું છે?
વીજાણુ કડીઓ :
૧. સ્ટીવનું પુસ્તક : Goal Free Living
૨. સ્ટીવનો બ્લૉગ : Goal Free Living Blog
૩. સંબંધિત લેખ : Making Resolutions that Work
# ૯ - પીટર બ્લૉક
‘પીટર બ્લૉક એક સિધ્ધહસ્ત લેખક છે. Flawless Consulting: A Guide to Getting Your Expertise Used (1st edition 1980, 2nd edition 1999); Stewardship: Choosing Service Over Self-Interest (1993) અને The Empowered Manager: Positive Political Skills at Work (1987) જેવાં તેમનાં પુસ્તકો ચારે દિશાઓમાં ખૂબજ વિખ્યાત થયાં છે. ઓર્ગેનીઝેશન ડેવલેપમેન્ટ નેટવર્કનાં સભ્યોની પસંદગીના વર્ષ ૨૦૦૪ માટેના પુરસ્કાર માટે તેઓ પ્રથમ પસંદગી રહ્યા હતા.’ પ્રશ્નવિચાર:વીજાણુ કડીઓ :
“એ કયો સવાલ છે જેનો જવાબ તમને ખબર હોય તો તમે અનાસક્ત બની જાઓ?”
૧. પીટર બ્લૉકનું ગૃહ પૃષ્ઠ : Peter’s Home Page
૨. પીટર બ્લૉકની કંપની : Designed Learning
૩. પુસ્તક : Flawless Consulting
૪. પુસ્તક : The Answer to How Is Yes: Acting on What Matters
# ૧૦ - લીઝ સ્ટ્રૌસ
‘મારી સાથે એક ઈન્ટરવ્યૂમાં લીઝ સ્ટ્રૌસે મને માત્ર પાંચ જ સવાલ પૂછયા હતા, પણ મને આખો દિવસ વિચાર કરતો કરી દીધો હતો. લીઝ સ્ટ્રૌસની આ જ તો ખાસીયત છે - તે તમને વિચાર કરતાં કરી મૂકે છે. ME “Liz” સ્ટૌસ મુદ્રણ, સૉફ્ટવેર અને ઑનલાઈન પ્રકાશનના વ્યવસાય સાથે તેઓ વીસથી વધારે વર્ષોથી સંકળાયેલાં છે. સંપ્રાપ્તિ કરતી નાની કંપનીઓ તેમ જ સંકટમાં ફસાયેલી કંપનીઓથી માંડીને મહાકાય કૉર્પોરેટ કંપનીઓમાં તેમણે કામ કર્યું છે. પ્રોડક્ટ ડેવલેપમેન્ટ અને માર્કેટીંગથી લઇને નવા ઉદ્યોગની સ્થાપના અને લાંબા ગાળાનાં વ્યૂહાત્મક આયોજન એ તેમની નિપુણતાનાં ક્ષેત્રો છે.’
આશાવાદી ચેતવણી : આ પ્રશ્નવિચાર વિષે એક જ મિનિટ વિચાર કરતાં કરતાં "ખરા અર્થમાં" કોઈને પણ ધ્યાનથી સાંભળવાથી એમનો દિવસ સુધરી જશે.
પ્રશ્નવિચાર:વીજાણુ કડીઓ :
“આજના આ સતત આંશિક ધ્યાન આપવાના સમયમાં, આપણે ખરેખર કોઇને ધ્યાનથી સાંભળી રહ્યાં છીએ તે કેમ કરીને બતાવવું? શું જાણવા માટે ધ્યાનથી સક્રિયપણે સાંભળીશું ?"
૧. લીઝ સ્ટ્રૌસનો બ્લૉગ : Liz Strauss Blog
૨. લીઝ સ્ટ્રૌસે લીધેલો મારો ઇન્ટરવ્યૂ : Liz Interviews Me on variety of topics – 5 part interview
શ્રી રાજેશ સેટ્ટી દ્વારા મૂળ અંગ્રેજીમાં લખાયેલ શ્રેણી -‘Quought for the Day’-ના લેખોનો ગુજરાતીમાં રસાસ્વાદ- ગુચ્છ ૨ // અનુવાદકઃ અશોક વૈષ્ણવ, અમદાવાદ ǁ જુલાઇ ૧૫,૨૦૧૫
ટિપ્પણીઓ નથી:
ટિપ્પણી પોસ્ટ કરો