૧૦૦ શબ્દોની વાત : યોગ્ય જગ્યા ?

- તન્મય વોરા

ઊંટનાં બચ્ચાંએ એની માને સવાલ પૂછ્યો - આપણને પીઠ પર ખુંધ કેમ છે? ઊંટડીએ કહ્યું, "આપણે રહ્યાં રણનાં પ્રાણી, એટલે ખૂંધ પાણી ભરી રાખવા કામ આવે.

આમથી તેમ આંટા મારતાં મારતાં બચ્ચું પૂછે છે - આપણા પગ લાંબા કેમ? આપણી પાંપણો આટલી લાંબી કેમ?

માએ જવાબ આપ્યો કે - "રણમાં ચાલવા માટે આપણને લાંબા પગ અને ત્યાં ફુંકાતા રહેતા પવન અને રેતીથી બચવા માટે આપણને લાંબી પાંપણો જોઇએ ને!"

બચ્ચું વિચારમાં પડ્યું - " આપણે જો રણમાં રહેવા સર્જાયાં છીએ, તો પછી, પ્રાણી સંગ્રહાલયનાં આ પાંજરામાં શું કરી રહ્યાં છીએ?

કૌશલ્ય, જ્ઞાન કે ક્ષમતા અનુકૂળ વાતાવરણમાં જ ખીલી રહી શકે.

• તન્મય વોરાના, QAspire.comપરના લેખ In 100 Words: At the Right Place?  , નો અનુવાદ
• અનુવાદકઃ અશોક વૈષ્ણવ, અમદાવાદ